تعذيب طفل بدار أيتام

مقطع فيديو نشرته مصرية لقيام مشرفة بتعذيب طفل يتيم من خلال صب الماء البارد عليه فجراً في شتاء مصر القارس.
ولا يظهر في الفيديو الطفل وهو يتم صب الماء البارد عليه، لأن نوافذ الدار في الفيديو تظهر مغلقة، ولكن يمكن سماع صوت الطفل وهو يصرخ ويقول “المياه ساقعة مش هعمل كده تاني” .
وقالت المواطنة

دي دار الاورمان للأيتام في التجمع الخامس و دة يا جماعة من شباك اوضتي الساعة ٧ و نص الصبح و الهانم بتعاقب طفل في التلج دة بإنها تحميه بمياه ساقعة و دي مش اول مرة اسمع ازاي بيعذبوا طفل و كذا مرة اروح اتخانق معاهم و اكلم
المديرة و مفيش فايدة فققرت افضحهم
دار الأورمان
يا جماعة الموضوع مش مجرد اساءة معاملة طفل من موظفة ولكن المسألة مسألة منهج التعامل مع الاطفال في دور الايتام و من القائمين علي التعامل مع الاطفال و مستوي تدريب البنات الي بيتعاملوا مع الاطفال، المأساه ان محدش دربهم بشكل علمي و دائم و مستمر و صحيح. المفروض يكون في برنامج متكامل يغطي كل الجوانب و يوزع علي كل شهور السنة و معاه برنامج لمتابعة و قياس الأداء. يعني المشكلة مش في البنات الي بيخدموا الاطفال و لكن في الإدارة اللي مش بتهتم كفاية بتدربهم و تأهلهم و دلوقتي كل الي بتعملوا الادارة دي انها هتطرد البنات دول بإعتبار انهم اساءوا في معاملة الاطفال. يعني في الاخر اساليب الادارة هتفضل مستمرة و اهتمامهم هو بس في جمع الفلوس دي بصراحة اشطر حاجه بيقدروا يعملوها و المجني عليهم هما البنات الي محدش دربهم و في الاخر هيفضل الاطفال يعانوا من اساليب الادارة
عنوان الدار ٦٠٠ ز جنوب الأكاديمية التجمع الخامس

سارعت إدارة الجمعية التابعة لها دار الأيتام بالإعلان عن محاسبة المسؤولين في ذلك الفرع التابع لجمعيتهم وكذلك المشرفة التي قامت بهذا العمل بشكل سريع.

فيديو تعذيب طفل بدار الايتام